சமூக மாற்றத்திற்கான தலைமைத்துவத்தை வளர்த்து, மக்கள் நலனை மையமாகக் கொண்ட ஆக்கப்பூர்வமான செயல்பாடுகளை முன்னெடுக்கும் நோக்கில், ‘வி த சேஞ்ச்’ இயக்கத்தின் தலைமைத்துவ ஆலோசனைக் கூட்டம் அக்டோபர் 10ஆம் தேதி கன்னியாகுமரி ஒய்.எம்.சி.ஏ. அரங்கில் நடைபெற்றது.
இக்கூட்டத்தில் பல்வேறு அமைப்புகளைச் சேர்ந்த சுமார் 30 தலைவர்கள் பங்கேற்றனர். சமூக முன்னேற்றம், தலைமைத்துவ வளர்ச்சி, மக்கள் பங்கேற்பு மற்றும் சமூகப் பொறுப்புணர்வு ஆகியவை குறித்து கருத்துப் பரிமாற்றங்கள் நடைபெற்றன.
மேலும், இயக்கத்தின் எதிர்காலச் செயல்பாடுகளைத் திட்டமிடுதல், தேசிய மற்றும் மாநில அளவிலான தலைமைத்துவக் குழுக்களை உருவாக்குவதற்கான வாய்ப்புகள், பல்வேறு சமூக நலப் பணிகளில் ஒருங்கிணைந்து செயல்படுதல் ஆகியவை குறித்தும் ஆலோசிக்கப்பட்டது.
“கல்வி, ஒருங்கிணைப்பு, மாற்றம்” என்ற கொள்கை முழக்கத்தை அடிப்படையாகக் கொண்ட இவ்வியக்கம், பொறுப்புணர்வும் சமூக அக்கறையும் கொண்ட தலைவர்களை உருவாக்கி, அவர்களின் ஒருங்கிணைந்த முயற்சிகள் மூலம் சமூகத்தில் நேர்மறையான மாற்றத்தை ஏற்படுத்துவதை நோக்கமாகக் கொண்டுள்ளது.
இயக்கத்தின் நிறுவனர் பேராசிரியர் முனைவர் சுபத்ரா செல்லத்துரை தலைமையில் நடைபெற்ற இக்கூட்டம், எதிர்காலத் தலைமைத்துவ வளர்ச்சிக்கும் சமூக மாற்றத்திற்கான கூட்டு முயற்சிகளுக்கும் அடித்தளமிடும் வகையில் அமைந்தது.
