மெனோபாஸ் காலத்தில் பொட்டுக்கடலை சாப்பிடச் சொல்லி அறிவுறுத்துவது ஏன்?

மெனோபாஸ் காலத்தில் பொட்டுக்கடலை சாப்பிடச் சொல்லி அறிவுறுத்துவது ஏன்?
மெனோபாஸ் காலகட்டத்தில் இருக்கும் பெண்கள் தினமும் ஒரு டேபிள்ஸ்பூன் அளவு பொட்டுக்கடலை சாப்பிடலாம்.

****AGNISIRAGU*****

மெனோபாஸ் வயதில் இருக்கும் பெண்களை பொட்டுக்கடலை சாப்பிடச் சொல்லி மருத்துவர்களும் டயட்டீஷியன்களும் அறிவுறுத்துவது ஏன், பொட்டுக்கடலை சாப்பிட்டால் உடல் எடை ஏறுமா?

பதில் சொல்கிறார், சென்னையைச் சேர்ந்த ஊட்டச்சத்து ஆலோசகர் அம்பிகா சேகர்.

மெனோபாஸ் காலத்தில் ஹார்மோன் மாற்றங்களின் காரணமாக உடல்எடை அதிகரிக்கும். அதே சமயம், அந்த நாள்களில் பெண்களுக்கு அதிக அளவு புரதச்சத்து தேவைப்படும். அதற்கு பொட்டுக்கடலை சிறந்த சாய்ஸ். எண்ணெய் இல்லாமல் வறுத்தது என்பதால் ஆரோக்கியத்துக்கும் ஏற்றது. பொட்டுக்கடலை என்பது எளிதில் செரிமானமாகக்கூடிய ஓர் உணவு. காரணம், அதிலுள்ள அதிகப்படியான நார்ச்சத்து.

மெனோபாஸ் காலகட்டத்தில் இருக்கும் பெண்கள் தினமும் ஒரு டேபிள்ஸ்பூன் அளவு பொட்டுக்கடலை சாப்பிடலாம். பொட்டுக்கடலையில் உள்ள புரதமானது, புற்றுநோய்க்குக் காரணமான செல்களை வளரவிடாமல் தடுக்கும் என கண்டுபிடித்திருக்கிறார்கள். மெனோபாஸுக்கு பிறகு புற்றுநோய் தாக்கும் ரிஸ்க் அதிகரிப்பதால், பெண்கள் இதைத் தவறாமல் பின்பற்றலாம். மெனோபாஸ் காலத்தில் பல பெண்களுக்கும் ப்ளீடிங் சற்று அதிகமிருக்கும். இந்தப் பிரச்னையை எதிர்கொள்ளும் பெண்கள், பீரியட்ஸின்போது தினமும் காலையில் சிறிதளவு பொட்டுக்கடலை சாப்பிடுவதால், ப்ளீடிங்கின் அளவு குறையும். 

100 கிராம் வேர்க்கடலையில் 24 கிராம் புரதச்சத்து இருக்கிறது. 100 கிராம் பொட்டுக்கடலையில் 21 கிராம் புரதச்சத்து இருக்கிறது. 100 கிராம் வேர்க்கடலை சாப்பிடுவதற்கும் அதே அளவு பொட்டுக்கடலை சாப்பிடுவதற்கும் வித்தியாசம் உண்டு. வேர்க்கடலையில் இருப்பதைவிட பாதி அளவு கொழுப்புச்சத்துதான் பொட்டுக்கடலையில் இருக்கிறது. எனவே, ஒப்பீட்டளவில் ஆரோக்கியத்திலும் வேர்க்கடலையைவிட பொட்டுக்கடலை சிறந்தது.

****AGNISIRAGU***