ICICI, SBI உட்பட இந்த 8 பேங்க் பங்குகளை வாங்குங்க.. உலக தரகு நிறுவனம் CLSA பரிந்துரைப்பு...
Yasmin fathima 
உலகின் முன்னணி தரகு நிறுவனங்களில் ஒன்றான CLSA நிறுவனம், முதலீட்டாளர்கள் ICICI, SBI உட்பட 8 முக்கிய வங்கிப் பங்குகளை வாங்கலாம் எனப் பரிந்துரைத்துள்ளது. வங்கி நிறுவனங்களின் காலாண்டு முடிவுகள் பெரும்பாலும் பாசிட்டிவ்வாக இருப்பதால், சில் பங்குகளை போர்ட்ஃபோலியோவில் இணைக்க தரகு நிறுவனம் பரிந்துரைத்துள்ளது...
ஜூன் காலாண்டில் வங்கித் துறைசார் நிறுவனங்கள் பெரும்பாலும் பாசிட்டிவ் ரிசல்ட் கொடுத்துள்ளதால், பெரும்பாலான தரகு நிறுவனங்கள் வங்கிப் பங்குகளை வாங்கும் பட்டியலையும், நல்ல ரேட்டிங்கையும் கொடுத்துள்ளன. குறிப்பாக உலக தரகு நிறுவனமான CLSA நிறுவனம், வங்கித் துறையில் சில பங்குகளை வாங்கும் பட்டியலில் இணைத்துள்ளன. அந்த பட்டியலில் ஐசிஐசிஐ வங்கி, ஸ்டேட் பாங்க் ஆஃப் இந்தியா, மிட் கேப் வங்கிப் பங்குகளும் இணைந்துள்ளன..
CLSA, எச்டிஎஃப்சி வங்கியை “சிறந்த செயல்திறன்” கொண்ட பங்காக கூறி, பங்கிற்கான இலக்கு விலையை ரூ.2,300 ஆக உயர்த்தியுள்ளது. இது பங்கின் தற்போதைய விலையிலிருந்து 18 சதவீத உயர்வைக் குறிக்கிறது.
ஏனெனில் தரகு நிறுவனம் HDFC வங்கி "2026 ஆம் நிதியாண்டில்11% கடன் வளர்ச்சியையும் அதன் பிறகு 15 -16% ஐயும் வழங்கும்" என்று கணித்துள்ளது. மேலும், நிதியாண்டு 26 இல் நிகர வட்டி வரம்புகளில் 10 அடிப்படைப் புள்ளிகள் குறைப்பையும், நிதியாண்டு 27 இல் மீட்சியையும் காணும் எனவும் கணித்துள்ளது. குறிப்பாக 2025-28 ஆம் நிதியாண்டில் HDFC வங்கி கூட்டு அடிப்படையில் 15% வருடாந்திர வளர்ச்சியை வழங்கும் என்று மதிப்பிட்டுள்ளது. அதனால் எச்டிஎஃப்சி வங்கி பங்கை வாங்கும் பட்டியலில் இணைக்கப் பரிந்துரைத்துள்ளது. இன்று இக்கட்டுரை எழுதும் நேரத்தில் HDFC Bank Ltd ஒரு பங்கு விலை 0.48% உயர்வுடன் ரூ.2,010.10-க்கு வர்த்தகமாகி வருகிறது...
தரகு நிறுவனம் ஐசிஐசிஐ வங்கிக்கு “சிறந்த செயல்திறன்” கொண்ட பங்காக ரேட்டிங் கொடுத்து, பங்கை வாங்கும் பட்டியலில் இணைத்துள்ளது. மேலும் பங்கிற்கான இலக்கு விலையாக ரூ.1700 நிர்ணயித்துள்ளது. இது பங்கின் தற்போதைய விலையிலிருந்து 19 சதவீத உயர்வைக் குறிக்கிறது.
CLSA இன் கணிப்பின்படி, கூர்மையான விகிதக் குறைப்பு சூழலை மீறி, NII இல் தொடர்ச்சியான வளர்ச்சியைப் பதிவு செய்த ஒரே வங்கி ICICI வங்கி மட்டுமே. வளர்ச்சி தணிந்தாலும், லாப அளவீடுகள் நன்றாகவே உள்ளன. வங்கியின் கடன் வளர்ச்சியும் ஷாப்ட்டாகவே உள்ளதாக தரகு நிறுவனம் கூறியுள்ளது.
இன்று இக்கட்டுரை எழுதும் நேரத்தில் ICICI Bank ஒரு பங்கு விலை 0.78% உயர்ந்து ரூ.1,477.30 ஆக வர்த்தகமாகி வருகிறது.
Disclaimer: பங்குச் சந்தையில் முதலீடு செய்வது சந்தை அபாயத்திற்கு உட்பட்டது, எனவே முதலீடு செய்வதற்கு முன், சான்றளிக்கப்பட்ட முதலீட்டு ஆலோசகரை அணுகவும். உங்களுக்கு ஏற்படக்கூடிய எந்தவொரு இழப்பிற்கும் தி எகனாமிக் டைம்ஸ் தமிழ் பொறுப்பேற்காது...
