சென்னையில் மின்சார பேருந்துகள் மூலம் ரூ.90 லட்சம் சேமிப்பு
Anitha Marikumar 
சென்னை: சென்னையில் மின்சாரப் பேருந்துகள் மூலம் எரிபொருள் செலவு ரூ.90 லட்சம் சேமிக்கப்பட்டுள்ளது.
இது தொடர்பாக மாநகர போக்குவரத்துக் கழக அதிகாரிகள் கூறியதாவது: சென்னையில் 120 மின்சாரப் பேருந்துகளின் சேவையை முதல்கட்டமாக கடந்த மாதம் 30-ம் தேதி சென்னை வியாசர்பாடி பணிமனையில் முதல்வர் மு.க.ஸ்டாலின் தொடங்கி வைத்தார். அந்த வகையில் சென்னையில் இயக்கப்படும் மின்சார பேருந்துகளில் கடந்த மாதம் 30-ம் தேதி தொடங்கி இந்த மாதம் 28-ம் தேதி வரை 12.80 லட்சம் பயணங்கள் மேற்கொள்ளப்பட்டுள்ளன.
சென்னையில் மின்சார பேருந்துகள் மூலம் ரூ.90 லட்சம் சேமிப்புஇந்த காலகட்டத்தில் டீசல் பேருந்துகளை இயக்கியிருந்தால் அரசுக்கு ரூ.1 கோடியே 60 லட்சம் செலவாகி இருக்கும். மின்சாரப் பேருந்துகளை இயக்கியதன் மூலம் ரூ.70 லட்சம் மட்டுமே செலவாகியுள்ளது. இதனால் ரூ.90 லட்சம் சேமிக்கப்பட்டுள்ளது. இந்த 120 மின்சாரப் பேருந்துகள் 6 லட்சத்து 55 ஆயிரம் கிமீ வரை இயக்கப்பட்டுள்ளது. இவ்வாறு அவர்கள் தெரிவித்தனர்.
