Gold Rate Today: மீண்டும் சரிந்த தங்கம் விலை.. மாதத்தின் கடைசி நாளில் சவரனுக்கு ரூ.320 குறைவு!

சென்னை: 7 நாட்களுக்குப் பிறகு தங்கம் விலை நேற்று உயர்ந்தது. இந்நிலையில் ஆபரணத் தங்கத்தின் விலை இன்று சவரனுக்கு ரூ.320 சரிந்துள்ளது. சென்னையில் தங்கம் விலை சவரன் ரூ.73,360க்கு விற்பனையாகிறது.
சர்வதேச பொருளாதாரச் சூழல், அமெரிக்க டாலருக்கு நிகரான இந்திய ரூபாயின் மதிப்பு உள்ளிட்டவை தங்கத்தின் விலையை நிர்ணயிப்பதில் முக்கியக் காரணிகளாகச் செயல்படுகின்றன. தங்கம் விலை இந்த ஆண்டு ராக்கெட் வேகத்தில் உயர்ந்துள்ளது. கடந்த 7 மாதங்களில் மட்டுமே தங்கம் விலை சவரனுக்கு 17 ஆயிரத்துக்கும் மேல் விலை உயர்ந்துள்ளது.
புதிய உச்சம் தொட்ட தங்கம்
கடந்த ஜனவரி மாத தொடக்கத்தில் ஒரு சவரன் ஆபரண தங்கம் விலை ரூ.58 ஆயிரமாக இருந்தது. பின்னர் தங்கம் விலை படிப்படியாக உயர்ந்தது. கடந்த ஏப்ரல் 22-ல் தங்கம் விலை ரூ.74,320 ஆக உயர்ந்து புதிய உச்சத்தை தொட்டது. பின்னர், இஸ்ரேல் - ஈரான் இடையேயான போரால் ஜூன் 14 ஆம் தேதி ரூ.74,560 என்ற புதிய உச்சத்தை எட்டியது. அதைத் தொடர்ந்து, தங்கம் விலை ஏற்ற இறக்கத்துடன் காணப்பட்டது.
கடந்த வார நிலவரம்
கடந்த வாரத்தில் தங்கம் விலை உயர்ந்து வந்தது. கடந்த 23 ஆம் தேதி தங்கம் விலை கிடுகிடுவென உயர்வைச் சந்தித்தது. அன்றைய தினம் தங்கம் விலை சவரனுக்கு ரூ.760 உயர்ந்து, ஒரு சவரன் ரூ.75,040க்கு விற்பனை ஆனது. தங்கம் விலை தொடர்ந்து அதிகரிக்க வாய்ப்புள்ளதாக கூறப்பட்ட நிலையில், மறுநாள் தங்கம் விலை ஏறிய வேகத்தில் குறைந்தது.
ஜூலை 24 ஆம் தேதி வியாழக்கிழமை தங்கம் விலை சவரனுக்கு ரூபாய் 1000 குறைந்தது. தொடர்ந்து 25 ஆம் தேதி தங்கம் விலை சவரனுக்கு ரூ.360 குறைந்து ஒரு சவரன் ரூ.73,680க்கு விற்பனையானது. 26 ஆம் தேதி தங்கம் விலை சவரனுக்கு ரூ.400 குறைந்து ரூ.73,280க்கு விற்பனையானது. 3 நாட்களில் தங்கம் விலை ரூபாய் 1,760 குறைந்தது..
இன்றைய நிலவரம் என்ன?
இந்த வாரத்தின் முதல் நாளான ஜூலை 28 ஆம் தேதி ஆபரண தங்கத்தின் விலை மாற்றமின்றி நீடித்தது. நேற்று (ஜூலை 29) 22 காரட் தங்கம் கிராமுக்கு ரூ.10 குறைந்து ஒரு கிராம் தங்கம் ரூ.9,150க்கும் சவரனுக்கு ரூ.80 குறைந்து, ஒரு சவரன் தங்கம் ரூ.73,200க்கும் விற்பனை செய்யப்பட்டது.
இந்நிலையில், நேற்று (ஜூலை 30) தங்கம் விலை சவரனுக்கு ரூபாய் 480 உயர்ந்தது. ஒரு சவரன் ஆபரண தங்கம் இன்று ரூ.73,680க்கு விற்பனை செய்யப்பட்டது. சென்னையில் ஒரு கிராம் ஆபரண தங்கம் விலை நேற்று 60 ரூபாய் அதிகரித்து ரூபாய் 9,210க்கு விற்பனை ஆனது..
கடந்த 7 நாட்களுக்குப் பிறகு நேற்று தங்கம் விலை உயர்ந்த நிலையில், இன்று குறைந்துள்ளது. ஆபரணத் தங்கத்தின் விலை இன்று சவரனுக்கு ரூ.320 சரிந்துள்ளது. சென்னையில் தங்கம் விலை சவரன் ரூ.73,360க்கு விற்பனையாகிறது. கிராமுக்கு ரூபாய் 40 குறைந்து ரூ.9,170க்கு விற்பனை ஆகிறது.
கடந்த ஜூலை 1 முதல் தங்கத்தின் விலை
31.07.2025 - ஒரு சவரன் ரூ.73,360
30.07.2025 - ஒரு சவரன் ரூ.73,680
29.07.2025 - ஒரு சவரன் ரூ.73,200
28.07.2025 - ஒரு சவரன் ரூ.73,280
27.07.2025 - ஒரு சவரன் ரூ.73,280
26.07.2025 - ஒரு சவரன் ரூ.73,280
25.07.2025 - ஒரு சவரன் ரூ.73,680
24.07.2025 - ஒரு சவரன் ரூ.74,040
23.07.2025 - ஒரு சவரன் ரூ.75,040
22.07.2025 - ஒரு சவரன் ரூ.74,280
21.07.2025 - ஒரு சவரன் ரூ.73,440
20.07.2025 - ஒரு சவரன் ரூ.73,360
19.07.2025 - ஒரு சவரன் ரூ.73,360
18.07.2025 - ஒரு சவரன் ரூ.72,880
17.07.2025 - ஒரு சவரன் ரூ.72,840
16.07.2025 - ஒரு சவரன் ரூ.72,800
15.07.2025 - ஒரு சவரன் ரூ.73,240
14.07.2025 - ஒரு சவரன் ரூ.73,240
13.07.2025 - ஒரு சவரன் ரூ.73,120
12.07.2025 - ஒரு சவரன் ரூ.73,120
11.07.2025 - ஒரு சவரன் ரூ.72,600
10.07.2025 - ஒரு சவரன் ரூ.72,160
09.07.2025 - ஒரு சவரன் ரூ.72,000
08.07.2025 - ஒரு சவரன் ரூ.72,480
07.07.2025 - ஒரு சவரன் ரூ.72,080
06.07.2025 - ஒரு சவரன் ரூ.72,480
05.07.2025 - ஒரு சவரன் ரூ.72,480
04.07.2025 - ஒரு சவரன் ரூ.72,400
03.07.2025 - ஒரு சவரன் ரூ.72,840
02.07.2025 - ஒரு சவரன் ரூ.72,520
01.07.2025 - ஒரு சவரன் ரூ.72,160