கல்யாண் ஜூவல்லர்ஸ், பிசி ஜுவல்லர்ஸ்,சென்கோ கோல்ட் காலாண்டு முடிவில் எந்த பங்கை வாங்கலாம் y
Anitha Marikumar 
2026 நிதியாண்டின் முதல் காலாண்டு முடிவுகளை எதிர்பார்த்து முதலீட்டாளர்கள் காத்திருக்கின்றனர். அதில் பிசி ஜுவல்லர், சென்கோ கோல்ட், கல்யாண் ஜுவல்லர்ஸ் போன்ற நகை நிறுவனங்களின் பங்குகளில் கவனம் செலுத்துகின்றனர். அட்சய திருதியை மற்றும் திருமண சீசன் காரணமாக இந்த காலாண்டில் நல்ல விற்பனை இருக்கும் என்று எதிர்பார்க்கப்படுகிறது. தங்கம் விலையில் ஏற்ற இறக்கம் இருந்தபோதிலும், இந்த நிறுவனங்கள் ஏப்ரல் முதல் ஜூன் வரையிலான காலகட்டத்தில் அதிக விற்பனையை பதிவு செய்துள்ளன. சென்கோ கோல்ட், கல்யாண் ஜுவல்லர்ஸ் மற்றும் பிசி ஜுவல்லர் நிறுவனங்களின் பங்குச் சந்தை நிலவரம் மற்றும் முதலீட்டு வாய்ப்புகள் குறித்து நிபுணர்கள் கருத்து தெரிவித்துள்ளனர்.
பொதுவாக, அட்சய திருதியை மற்றும் திருமண சீசன் போன்ற பண்டிகைக் காலங்களில் நகை விற்பனை அதிகரிக்கும். இந்த ஆண்டு, தங்கம் விலையில் சில ஏற்ற இறக்கங்கள் இருந்தபோதிலும், நகை நிறுவனங்கள் வலுவான விற்பனையைப் பதிவு செய்துள்ளன.
சென்கோ கோல்ட் நிறுவனம் பொய்லா பொய்ஷாக் மற்றும் பைசாகி போன்ற பண்டிகைகளின்போது கடைகளில் அதிக வாடிக்கையாளர்கள் ஈர்த்தகாக கூறப்படுகிறது. கல்யாண் ஜுவல்லர்ஸ் நிறுவனம் இந்தியாவிலும், மத்திய கிழக்கிலும் நல்ல வரவேற்பைப் பெற்றுள்ளதாகத் தெரிவித்துள்ளது. பிசி ஜுவல்லர் நிறுவனம் திருமண மற்றும் பண்டிகை விற்பனை காரணமாக அதிக வளர்ச்சியைப் பெற்றுள்ளது..
ஃபைனோக்ராட் டெக்னாலஜிஸின் நிறுவனர் மற்றும் இயக்குனரான கௌரவ் கோயல் கருத்துப்படி, மூன்று நிறுவனங்களுமே வலுவான காலாண்டைக் கொண்டுள்ளன. ஆனால், ரிஸ்க் எடுக்க விரும்பாத முதலீட்டாளர்களுக்கு சென்கோ கோல்ட் ஒரு சிறந்த தேர்வாக இருக்கும். ஏனெனில், இந்நிறுவனம் நிலையான வளர்ச்சி, மேம்பட்ட லாபம் மற்றும் வெளிப்படையான வணிக அணுகுமுறையைக் கொண்டுள்ளது.
கல்யாண் ஜுவல்லர்ஸ், பிசி ஜுவல்லர்ஸ்,சைன் கோ கோல்ட் இந்த மூன்றில் எதை வாங்குவது
ஆனந்த் ரதியின் தொழில்நுட்ப ஆராய்ச்சி மூத்த மேலாளர் கணேஷ் டோங்ரே மூன்று நகை பங்குகள் குறித்து கருத்து தெரிவித்துள்ளார்.
பிஸி ஜூவல்லர்ஸ் :
பிசி ஜுவல்லர் குறித்து அவர் கூறுகையில், "பிசி ஜுவல்லர் சமீபத்தில் ரூ.12 என்ற நிலையிலிருந்து உயர்ந்து, வாராந்திர விளக்கப்படத்தில் ரூ.19-ல் புதிய 52 வார உயர்வை எட்டியுள்ளது. அதனால் பங்கை ரூ.13 - ரூ.14 என்ற விலையில் வாங்கலாம். அதேசமயம் ரூ.12-ல் ஸ்டாப்-லாஸ் மற்றும் ரூ.22 இலக்கு விலையை நிர்ணயித்துள்ளார்.
பிசி ஜுவல்லர் நிறுவனம் மற்ற இரண்டு நிறுவனங்களை விட அதிக வருவாய் வளர்ச்சியைப் பதிவு செய்துள்ளது. கடந்த ஆண்டுடன் ஒப்பிடும்போது சுமார் 80 சதவீதம் வளர்ச்சி அடைந்துள்ளது. திருமண மற்றும் பண்டிகை காலங்களில் அதிக தேவை இருந்ததே இதற்கு காரணம். மேலும், நிலுவையில் உள்ள கடனை மேலும் குறைத்து, 2026 நிதியாண்டுக்குள் கடனில்லா நிறுவனமாக மாற இலக்கு நிர்ணயித்துள்ளது.
சென்கோ கோல்ட் :
சென்கோ கோல்ட் குறித்து அவர் கூறுகையில், "சென்கோ கோல்ட் வாராந்திர விளக்கப்படத்தில் ஒரு ஏற்ற இறக்கமான சூழ்நிலையை உருவாக்கியுள்ளது. இது மேலும் மேல்நோக்கிய உத்வேகத்திற்கான சாத்தியத்தை குறிக்கிறது. பங்கு முக்கிய ஃபைபோனச்சி ரீட்ரேஸ்மென்ட் நிலைகளில் இருந்து மீண்டு வருவது போல் தெரிகிறது. இது தொடர்ந்து மேல்நோக்கிய பாதையின் சாத்தியக்கூறுகளை ஆதரிக்கிறது. எதிர்பார்க்கப்படும் மேல்நோக்கிய வரம்பு வரும் மாதங்களில் ரூ.470 மற்றும் ரூ.510 இடையே திட்டமிடப்பட்டுள்ளது. பங்குகளை வைத்திருக்கும் முதலீட்டாளர்கள் தங்கள் பொசிஷன்களைத் தக்க வைத்துக் கொள்ளலாம். ஸ்டாப்-லாஸ் ரூ.300-ல் வைக்கப்பட்டு, நடுத்தர இலக்கு விலையாக ரூ.420 நிர்ணயிக்கப்பட்டுள்ளது.
சென்கோ கோல்ட் நிறுவனம் மொத்த வருவாயில் 28 சதவீத வளர்ச்சியையும், சில்லறை விற்பனையில் 24 சதவீத வளர்ச்சியையும், அதே கடைகளில் 19 சதவீத வளர்ச்சியையும் பதிவு செய்துள்ளது. மேலும், ஒன்பது புதிய நகை கடைகளைத் திறந்து, சென்னெஸ் மற்றும் எவர்லைட் போன்ற துணை பிராண்டுகளின் போர்ட்ஃபோலியோவை தொடர்ந்து உருவாக்கி வருகிறது. வைர நகைகளுக்கு அதிக தேவை இருப்பதாகவும், தங்கத்தின் பரிமாற்றம் ஒட்டுமொத்த விற்பனையில் 40 சதவீதம் வரை பங்களிப்பதாகவும் நிறுவனம் தெரிவித்துள்ளது.
கல்யாண் ஜுவல்லர்ஸ் :
கல்யாண் ஜுவல்லர்ஸ் நிறுவனம் ஒட்டுமொத்த வருவாயில் 31 சதவீத வளர்ச்சியைப் பதிவு செய்துள்ளது. மேலும், அவர்களின் டிஜிட்டல் தளமான கேண்டரே கடந்த ஆண்டை விட 67 சதவீதம் வளர்ச்சி அடைந்துள்ளது. இந்த காலாண்டில் 19 புதிய ஷோரூம்களைத் திறந்துள்ள நிறுவனம், இந்த ஆண்டு இந்தியா மற்றும் சர்வதேச சந்தைகளில் 170 ஷோரூம்களைத் திறக்க திட்டமிட்டுள்ளது.
கல்யாண் ஜுவல்லர்ஸ் குறித்து அவர் கூறுகையில், "கல்யாண் ஜுவல்லர்ஸ் மாதாந்திர விளக்கப்படத்தில் ஒரு குறிப்பிடத்தக்க டிரெண்ட்லைன் பிரேக்அவுட்டை கண்டுள்ளது. குறிப்பாக ரூ.570-க்கு மேலே ஒரு வலுவான மேல்நோக்கிய ஏற்றத்தைக் குறிக்கிறது. RSI போன்ற தொழில்நுட்ப குறிகாட்டிகள் வலிமையைக் காட்டுகின்றன. அதனால் கல்யாண் ஜுவல்லர்ஸ்கான ஆதரவு விலை ரூ.550-570 ஆகவும், ஸ்டாப் லாஸ் விலை ரூ.530 ஆகவும், இலக்கு விலை ரூ.650 ஆகவும் நிர்ணயிக்கப்பட்டுள்ளது.
கவனிக்க வேண்டியவை:
முதலீடு செய்வது சந்தை அபாயத்திற்கு உட்பட்டது, எனவே முதலீடு செய்வதற்கு முன், சான்றளிக்கப்பட்ட முதலீட்டு ஆலோசகரை அணுகவும். உங்களுக்கு ஏற்படக்கூடிய எந்தவொரு இழப்பிற்கும் அக்னி சிறகு பொறுப்பேற்காது.
