ரூ.210 கட்டினால் மாதம் ரூ.5,000 பென்ஷன் பெறலாம்.. மத்திய அரசின் சூப்பர் ஸ்கீம் பற்றி தெரியுமா..?

Atal Pension Yojana Scheme: இந்த அரசு ஓய்வூதியத் திட்டம், அமைப்புசாரா துறை ஊழியர்களுக்காக சிறப்பாக வடிவமைக்கப்பட்டுள்ளது. மேலும், 18 முதல் 40 வயதுக்குட்பட்ட அனைவரும் இந்தத் திட்டத்தை தொடங்கி பயன் பெறலாம்.

அடல் பென்ஷன் யோஜனா (APY) என்பது உங்கள் முதுமையை பாதுகாப்பாகவும் வசதியாகவும் மாற்றக்கூடிய ஒரு சிறந்த திட்டம் ஆகும். இந்தத் திட்டத்தைப் பயன்படுத்திக் கொள்வதன் மூலம், நீங்கள் 60 வயதை எட்டிய பிறகும் நிலையான வருமானத்தைப் பெறுவதை உறுதி செய்யலாம்.

60 வயதிற்குப் பிறகும் ஒவ்வொரு மாதமும் நிலையான வருமானம் பெற விரும்பினால், அடல் ஓய்வூதிய யோஜனா (APY) உங்களுக்கு ஒரு சிறந்த தேர்வாக இருக்கும். இந்த அரசு ஓய்வூதியத் திட்டம், அமைப்புசாரா துறை ஊழியர்களுக்காக சிறப்பாக வடிவமைக்கப்பட்டுள்ளது. மேலும், 18 முதல் 40 வயதுக்குட்பட்ட அனைவரும் இந்தத் திட்டத்தை தொடங்கி பயன் பெறலாம். இந்தத் திட்டத்தில், மாதம் ரூ.210 வீதம் 18 ஆண்டுகள் செலுத்தினால் ஓய்வுக்கு பிறகு ரூ.5,000 மாத வருமானம் கிடைக்கும். 60 வயதில் மாதந்தோறும் ரூ.1,000 முதல் ரூ.5,000 வரை உத்தரவாதமான மாதாந்திர ஓய்வூதியத்தைப் பெறலாம்.

அடல் பென்ஷன் யோஜனா என்றால் என்ன?: அடல் பென்ஷன் யோஜனா என்பது இந்திய அரசாங்கத்தால் நடத்தப்படும் ஒரு ஓய்வூதியத் திட்டம். இது மக்களை முதுமையில் தன்னிறைவு பெறச் செய்வதை நோக்கமாகக் கொண்டு தொடங்கப்பட்டது. இந்தத் திட்டம் ஓய்வூதிய நிதி ஒழுங்குமுறை மற்றும் மேம்பாட்டு ஆணையத்தால் (PFRDA) நடத்தப்படுகிறது. இதன் கீழ், உங்கள் தேவைக்கேற்ப ரூ.1,000 முதல் ரூ.5,000 வரை உங்கள் ஓய்வூதியத் தொகையைத் தேர்வு செய்யலாம். 18 வயது முதல் 40 வயது வரை இந்தத் திட்டத்தில் நீங்கள் முதலீடு செய்யலாம். இதன்மூலம், 60 வயதில் உத்தரவாதமான ஓய்வூதியத்தை நீங்கள் பெறுவீர்கள்.

எப்படி விண்ணப்பிப்பது?: முதலில், NSDL வலைத்தளத்திற்கு செல்லவும். பின்பு, அடல் பென்ஷன் யோஜனா டேப்பை கிளிக் செய்து APY பதிவு படிவத்தை நிரப்பவும். உங்கள் ஆவணங்கள் மற்றும் KYC விவரங்களை நிரப்பவும். ஒப்புதல் எண் உருவாக்கப்பட்ட பிறகு, ஓய்வூதிய விருப்பம் மற்றும் நியமன விவரங்களை நிரப்பவும். அத்துடன், ஆதார் OTP மற்றும் eSign மூலம் சரிபார்க்கவும்.

என்னென்ன ஆவணங்கள் தேவை: இந்த திட்டத்திற்கு விண்ணப்பிக்க சில ஆவணங்கள் அவசியம். வங்கிக் கணக்கு எண், ஆதார் அட்டை, அடையாள அட்டை, வயது சான்றிதழ், முகவரிச் சான்று மற்றும் செயலில் உள்ள மொபைல் எண் ஆகியவை முக்கியம்.

நன்மைகள்: இந்தத் திட்டம் முற்றிலும் அரசாங்கத்தால் நடத்தப்படுவதால், இந்தத் திட்டத்தின் கீழ் பெறப்படும் ஓய்வூதியம் இந்திய அரசாங்கத்தால் உத்தரவாதம் அளிக்கப்படுகிறது. உங்கள் பணம் முற்றிலும் பாதுகாப்பானது. நீங்கள் விரைவாக முதலீடு செய்யத் தொடங்கினால், உங்கள் மாதாந்திர பங்களிப்புத் தொகையும் குறைவாக இருக்கும்.

இந்தத் திட்டத்தில் முதலீடு செய்வதன் மூலம், ரூ.50,000 வரை வரி விலக்கு பெறுவீர்கள். ஓய்வூதியதாரர் ஏதேனும் காரணத்தால் இறந்தால், அவரது ஓய்வூதியத் தொகை அவரது மனைவிக்கு தொடர்ந்து வழங்கப்படும். இருவரும் இறந்தால், டெபாசிட் செய்யப்பட்ட முழு நிதியும் பரிந்துரைக்கப்பட்டவருக்குத் திருப்பித் வழங்கப்படும்